इमान सिं राना
पाल्पा (रामपुर) पाल्पाको रामपुरमा सम्पन्न सेकेण्ड युथ युनियन कप फुटबलको उपाधी वि नाईन ब्वाईज विजयपुरले हात पारेको छ । सोमबार साँझ भएको फाईनल खेलमा पेनाल्टीमा युथ युनियन मटेरी विलाई ३÷२ गोल अन्तरले पराजित गर्दै विजयपुर विजेता बनेको हो ।
युथ युनियन मटेरी विले भने उपविजेतामा चित्त बुझाएको छ । प्रतियोगिताको निर्धारित समयमा १÷१ बराबरी भए पछि ५÷५ मिनेट समय थप गरिएको थियो । थप समयमा कसैले पनि गोल गर्न नसके पछि पेनाल्टी सुट गराईएको थियो । खेलको पहिलो हाफको अत्यमा आएर फाईनलमा वि नाईन ब्वाईज विजयपुरका अजित अली मियाँले पेनाल्टी बाट १ गोल गरे पछि विजयपुरले अग्रता लिएको थियो । विजयपुरको अग्रतालाई भंग गर्दै युथ युनियन मटेरी विका दिनेश कार्कीले १ गोल गरी खेललाई बराबरी पु¥याएका थिए ।
पेनाल्टीमा विजयपुरका तर्फ बाट प्रदिप खड्का, अनिल शाही, शितल शाहीले गोल गरेका थिए । मटेरीका तर्फ बाट गौरव श्रेष्ठ र केशव श्रेष्ठले गोल गरेका थिए भने दिनेश कार्की र सरोज अधिकारीले हानेको बललाई विजयपुरका गोलरक्षकले रोकेका थिए । युथ युनियन मटेरीको आयोजनामा भएको प्रतियोगिताको विजेतालाई रामपुर नगरपालिकाका उपप्रमुख विष्णु देवी घिमिरे आचार्यले पुरस्कार प्रदान गर्नुभएको थियो । प्रतियोगिता अन्तर्गत विजेताले नगद ५० हजार र उपविजेताले २५ हजार सहित ट्रफी मेडल र प्रमाण पत्र हात पारेका छन् । गत असोज २५ गते बाट रामपुर ५ मटेरी सुरु भएको प्रतियोगिता रामपुर ५ मटेरीमा भएको थियो ।
